قال المخرج عمرو سلامة، إن من أوائل الناس التي تابعت الفنان عمرو وهبة في بداياته، أثناء تقديم محتوى عبر منصات التواصل الاجتماعي.

وأضاف خلال برنامج كاستنج الذي يذاع على قناة “dmc”: “عمرو أن من أوائل الناس اللي تابعته أون لاين، واتعرفنا على بعض من أيام ما كان بيكتب لكوميدانات تانيين، ودي حاجة بنشوفها كتير برة، ان اللي بيعرف يكتب كوميديا، بينتهي به الحال انه بيبقى ممثل كوميدي”.

وتابع: “عمرو من الناس اللي اتقال له كتير في الأول متحاولش، انت أخرك تكتب وخليك مكانك، وانت معندكش الحاجة الي هتخليك تقف قصاد الكاميرا، لكن هو قرر يفتح الكاميرا”.

وقال: “احنا في عصر نقدر نفتح كاميرا التلفون، ونحط عالنت ونكتشف ايه اللي هيحصل، الناس هتحبني ولا مش مش هتحبني، عمرو عمل كدة، وعمرو من الناس القليلة الي عملت نفسها بنفسها”.